MENU
klinika

Megaoperacioni “Krahët e krimit”

Zbulohet ‘shtëpi bari’ në Durrës

24.01.2023 - 11:21

Policia e Shtetit ka goditur një bazë të grupeve kriminale ku kultivohej drogë në ambient të mbyllur si dhe fshiheshin arsenal armësh.

Në një megaoperacion, të koduar “Krahët e krimit”, mësohet se në një fshat të Durrësit u zbulua një banesë 4 katëshe e vëllezërve me inicialet F.K dhe S.K.

“Kati i tretë dhe i katërt i vilës ishte përshtatur për kultivim bimësh narkotike me anë të llampave. U zbuluan 444 bimë narkotike kanabis, 222 llampa elektrike dhe sende të tjera të përshtatshme për kultivim droge”, tha policia.

Nga hetimet dyshohet se armët e gjetura në këtë ambient mund të jenë fshehur nga grupet kriminale dhe kultivimi i bimëve narkotike mund të jetë financuar nga anëtarë të këtyre grupeve.