Presidenti rus Vladimir Putin ka paralajmëruar sot se Rusia mund të ketë nevojë të kufizojë disa eksporte në mënyrë që të mbajë rezerva të qëndrueshme ushqimore gjatë periudhës së dimrit.
Megjithatë, ai nuk dha ndonjë detaj specifik të planeve të mundshme. Ishte gjithashtu e paqartë nëse Putin po sugjeronte që Rusia, e cila ka shkurtuar furnizimet me gaz për disa nga vendet që i konsideron “jomiqësore”, mund të kufizojë eksportet e mallrave të mëdha ushqimore si gruri.
Në komentet televizive, Putin tha se industria e bujqësisë kishte dhënë një kontribut të rëndësishëm në qëndrueshmërinë e ekonomisë ruse, teksa shtoi se duhet të lejojnë që ky sektor të funksionojë.
Putin tha gjithashtu se askush nuk mund të parashikojë me saktësi prodhimin bujqësor të Rusisë për vitin 2023, duke përmendur motin e ngrohtë të papritur në Evropë dhe ngricat në Azinë Qendrore. “Kjo është arsyeja pse ne kemi nevojë për rezerva të qëndrueshme,” tha ai.
VAZHDO TË LEXOSH MË TEPËR PËR TEMËN
“Acarin” e dimrit mund ta vuajë më shumë Rusia…
