Kryeministri Kyriakos Mitsotakis ka komentuar tërmetet shkatërruese në Turqi dhe dërgimin e ekipeve të shpëtimit, duke thënë se në momente krize mosmarrëveshjet lihen mënjanë. Kryeministri theksoi se Greqia ishte një nga vendet e para që dërgoi ndihma në Turqi, pasi shteti grek ka përvojë të mjaftueshme në përballimin e tërmeteve të mëdha.
“Nuk mund të imagjinoj një imazh më të fuqishëm se ky […] i një shpëtimtari grek dhe një shpëtimtari turk që shpëtojnë një vajzë shtatëvjeçare. Këto janë imazhe shumë të fuqishme që në fund të fundit ndërtojnë ura mes popujve tanë. Tërmeti, duhet të theksoj, preku edhe Sirinë, ku kushtet atje janë shumë më të komplikuara, ndaj duhet të ketë një mobilizim për ndihmë përmes organizatave ndërkombëtare”, tha kryeministri.
‘Greqia, ishte një nga vendet e para që iu përgjigj kërkesës së Turqisë për të mobilizuar mekanizmin evropian të ndihmës në rast të fatkeqësive natyrore. Tashmë një ekip shpëtimtarësh po operon në terren, në rajonin e Hatay. Dhe supozoj, sepse nuk kam akses në videon që tregove, se imazhi i vajzës shtatëvjeçare që tregove, është një vajzë që u shpëtua nga një ekip grek i shpëtimit që vepron në atë zonë. Pra, ekipet tona janë tashmë në terren. Siç e dini, Greqia është një vend që ka përvojë të konsiderueshme në trajtimin e tërmeteve. Ne e dimë se në këto momente kritike koha është thelbësore. Ne duhet të dërgojmë ekuipazhet tona në terren sa më shpejt të jetë e mundur për të shpëtuar njerëzit e bllokuar nën mbeturina, në kushte të tmerrshme’, tha ai.
VAZHDO TË LEXOSH MË TEPËR PËR TEMËN
Tërmeti tragjik ‘bashkon’ Turqinë me Greqinë, Mitsotakis telefonon Erdogan
Tërmeti/ Erdogan falënderon Mitsotakis
