MENU
klinika

Çfarë dihet për të?

Zbulohet ‘Toka e dytë’ e cila mund të jetë e banueshme

07.02.2023 - 09:26

Astronomët kanë zbuluar një planet përtej Sistemit tonë Diellor që ka një masë të ngjashme me atë të Tokës dhe është potencialisht i banueshëm.

Eksoplaneti me masën e Tokës rrotullohet rreth një ylli xhuxh të kuq të quajtur Wolf 1069 në yjësinë Cygnus, vetëm 31 vite dritë nga Toka I cili vlerësohet të jetë afërsisht i njëjtë me madhësinë e Tokës dhe gjithashtu me të njëjtën masë.

Zbulimi u bë nga një grup studiuesish të udhëhequr nga Diana Kossakowski nga Instituti Gjerman Max Planck për Astronomi në Heidelberg, i cili e botoi atë në revistën Astronomy & Astrophysics.

Ky planet ka një orbitë që zgjat rreth 15 ditë. Prandaj është shumë afër yllit të tij, Wolf 1069, merr vetëm rreth 65% të energjisë që Toka merr nga Dielli. Kjo ndodh sepse planeti “xhuxhi i kuq” është shumë më i dobët dhe më i ftohtë se Dielli ynë, temperatura mesatare e llogaritur për planetin, është rreth -23 gradë, gjë që tregon se është një trup shkëmbor.

Planeti i ri renditet i gjashti, për nga largësia, midis atyre me masë toke potencialisht të banueshme dhe u identifikua falë projektit Carmenes, aktiv që nga viti 2016, i cili përdor observatorin Calar Alto në Spanjë.

Mund të jetë i banueshëm, pavarësisht se është vazhdimisht e ndriçuar dhe është vazhdimisht në errësirë, ashtu si Hëna. Për më tepër, nëse do të kishte edhe një atmosferë, autorët e studimit vlerësuan se temperatura mund të rritet deri në 13 gradë, duke lejuar ekzistencën e ujit në një zonë të madhe të përballë yllit.