Kreu i Komisionit Qendror të Zgjedhjeve Ilirjan Celibashi në një deklaratë për mediet ka thënë se KQZ do të dalë me një vendim në lidhje me regjistrimin e PD në zgjedhje, pas skadimit të afatit prej 48 orësh.
“Për PD do dalim me vendim pas skadimit të afatit prej 48 orësh. Vendimarrja e KQZ është në përputhje të plotë me kodin zgjedhor”, u shpreh Celibashi.
Më herët gjatë ditës së sotme Partia Demokratike i ka dërguar një shkresë të dytë KQZ dhe kërkon regjistrimin në zgjedhjet e 14 Majit. Përfaqësuesi i kësaj force politike, juristi Indrit Sefa i ka shkruar një letër kyrekomisionerit Ilirjan Celibashi dhe kërkon që të pranojë dokumentet e paraqitura prej tyre. Pavarësisht se kërkohet deklarata solemne me firmë të Bashës, juristi i PD thotë se ai është dorëhequr.