Prokuroria e Tiranës do të ballafaqojë sot për herë të parë pastruesen Rozeta Dobi dhe ish-zyrtaren e Kryeministrisë Alda Klosi.
Rozeta Dobi nën shoqërinë e policisë është transportuar nga burgu në Prokurorinë e Tiranës, ndërsa më pas është marrë edhe Alda Klosi.
Ky ballafaqim vjen pasi pastrueseja Rozeta Dobi dhe djali i saj Havier Dobi thanë se 500 mijë eurot që u gjetën në banesën e tyre janë të gjitha të marra nga banesa e Klosit. Pas këtyre deklaratave Klosi u arrestua për akuzat pastrimit të parave, fshehjes së pasurisë dhe deklarimit të rremë para oficerit gjyqësor.
Kujtojmë që fillimisht u tha se 120 mijë euro janë marrë në shtëpinë e Alda Klosit, ndërsa rreth 400 mijë euro nuk dihej se kujt i përkisnin. Mirëpo pas rimarrjes në pyetje, Rozeta dhe Havier Dobi ka dhënë të njëjtën deklaratë duke thënë se 500 mijë eurot i përkasin të gjitha Alda Klosit.
Klosi fillimisht tha se 120 mijë eurot e marra në banesën e saj i kishte marrë borxh, pasi xhaxhai i saj ishte në spital në Amerikë dhe duheshin për kurimin e tij. Kjo deklaratë është rrëzuar nga vëllai i saj, i cili tha se se kjo shumë i ishte marrë borxh një miku të tyre dhe për këte kishin një deklaratë të nënshkruar dore.
VAZHDO TË LEXOSH MË TEPËR PËR TEMËN
Gjykata lë në burg pastruesen dhe djalin e saj
Artan Fuga: Mjafton presioni për legalizimin e parasë informale dhe gjithçka…
