Me shenja në qafë, nisin hetimet për vdekjen e spanjollit në Divjakë

Detaje të reja janë zbardhur nga ngjarja që është shënuar në në një hotel në fshatin Karavasta të Divjakës, ku u gjet i pajetë një spanjoll 47 vjeç.

I pajetë është gjetur Franisco Cervilla, 47 vjeç, për të cilin u tha se ishte vetëvrarë gjatë kohës që ishte në dush.

Policia u njoftua nga shoku i tij i dhomës, po ashtu një shtetas spanjoll. Ata ishin kontaktuar nga jë firmë e huaj për të punuar për një firmë shqiptare që merrej kryesisht me panelet diellore.

Policia ka marrë në pyetje disa persona për ngjarjen. Pista kryesore është vetëvrasja, por nuk përjashtohet as pista e vrasjes. Viktima ka pasur disa shenja në qafë.

Disa nga personat që janë marrë në pyetje janë shprehur se 47-vjeçari kohët e fundit kishte shfaqur shenja depresioni.