“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Qumështi i gjirit, një kurë për kancerin?
Mjeku: Qumështi i gjirit mund të përdoret në të ardhmen për të luftuar kancerin pasi shkencëtarët kanë zbuluar se përmban një ingredient magjik që thuhet se mund të shkatërrojë qelizat tumorale pa dëmtuar ato të shëndetshmet.
Shkencëtarët suedezë thonë se testet e kryera tek pacientët me kancer të fshikëzës kanë patur rezultate premtuese dhe besojnë se ingredienti, të cilit i kanë vendosur nofkën Hamlet, mund të luftojë gjithashtu edhe kancerin e zorrës dhe atë cervikal.
Ekspertët pretendojnë se Hamleti sulmon vetëm qelizat kancerogjene, prandaj nuk ka asnjë efekt anësor të kimioterapisë.
Profesoresha Catharina Svanborg tregon se e ka zbuluar këtë krejt rastësisht, ndërsa po përpiqej të zbulonte diçka të re për antibiotikët. “Ka diçka magjike rreth aftësisë së Hamletit për të vënë në shënjestër qelizat tumorale dhe për t’i zhdukur ato.
Gjatë një eksperimenti ne kishim nevojë për qeliza njerëzore dhe baktere, që të ishin prezente, dhe zgjodhëm qelizat tumorale të njeriut për arsye praktike. Për habinë tonë, kur shtuam këtë përbërës të qumështit, u zhdukën qelizat tumorale.
Ishte krejtësisht një zbulim rastësor”. Aho shpjegon se qumështi i gjirit të njeriut përmban proteinën alphalactalbumin, që lufton kancerin sapo kalon në stomak. Nga testet e kryera nga hulumtuesit shkencorë në Universitetin Lund, në Suedi, rezultoi që qelizat tumorale u zhdukën brenda ditëve tek pacientët me kancer të fshikëzës. Mjekët tani po planifikojnë të bëjnë një test të plotë të përbërësit Hamlti kundër ilaçeve të zakonshme.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
A e prish elasticitetin e gjoksit ushqyerja e foshnjës me gji?
