Kryeministri Edi Rama po zhvillon ditën e sotme një vizitë zyrtare në Britaninë e Madhe ku pritet të takohet me homologun e tij, Rishi Sunak.
Gjatë qëndrimit në Mbretërinë e Bashkuar, Rama ka dhënë një intervistë në Radio 4, ku i ka cilësuar të turpshme deklaratat e Sekretares së Brendshme britanike, Suella Braverman, e cila vitin e kaluar u shpreh për një “pushtim nga emigrantët shqiptarë”.
“Ardhja e njerëzve me gomone në Angli është një çështje komplekse. Jam këtu për ta thënë me zë të lartë se shqiptarët janë një komunitet i rëndësishëm që jep kontribut në sektorë si ndërtimi shërbime madje këndojnë për ju. Nuk është thjesht çështja të mbërriturve me gomone. Është një çështje komplekse e cila lidhet me aspiratat e tyre për një jetë të sigurtë në këtë pjesë të botës.
Nuk jam këtu të komentoj për një ligj si ai i emigracionit që ka krijuar shumë debate tek ju. Jam këtu për të tentuar e dhënë mesazhin se Shqipëria është një vend jashtëzakonisht i bukur ku ne kemi një rritje të turizmit nga ku shohim shumë e e shumë britanikë që vinë si vizitorë.
Fatkeqësisht kemi parë se shqiptarë dhe komuniteti shqiptarë këtu po veçohet po merret si shembull për qëllime politike.Marrëdhëniet Shqipëri-Angli kanë mbërritur në një pikë të ulët dhe shpresojmë të përmirësohen. Ne refuzojmë miksimin e një pakike kriminelësh dhe komunitetit shqiptarë në tërësi. Të mëshuarit fort tek etniciteti krimit është krim në vetvete“, ka thënë Rama.
VAZHDO TË LEXOSH MË TEPËR PËR TEMËN
Vizita zyrtare në Britani, Rama takohet për herë të parë me Sunak në “Downing Street 10”
Edi Rama vizitë të enjten në Londër, takim me Rishi Sunak!
