Sekretari i Përgjithshëm i NATO-s, Jens Stoltenberg përshëndeti marrëveshjen për normalizimin e marrëdhënieve nga Ohri dhe i bëri thirrje Beogradit dhe Prishtinës që ta zbatojnë sa më shpejt.
“Unë e mirëpres marrëveshjen dhe tani është e rëndësishme që të zbatohet shpejt dhe plotësisht marrëveshja midis Beogradit dhe Prishtinës. Dhe sigurisht, ne mbështesim fuqishëm dialogun e ndërmjetësuar nga BE. Aleatët dhe NATO ofrojnë mbështetje politike. Ne kemi qenë në kontakt të ngushtë me BE-në, por edhe me Prishtinën dhe Beogradin”, tha Stoltenberg i pyetur lidhur marrëveshjen e Ohrit gjatë prezantimit të Raportit Vjetor për vitin 2022.
Ai përsëriti se NATO-ja mbështet përpjekjet për të gjetur një zgjidhje paqësore përmes misionit të KFOR-it dhe vuri në dukje se ushtarët e NATO-s në Kosovë janë vendimtare për të mundësuar dhe mbështetur procesin politik.
VAZHDO TË LEXOSH MË TEPËR PËR TEMËN
“Kosova po shkon drejt ‘përshkallëzimit të dhunës'”
BE e shqetësuar për një përshkallëzim tensionesh në Ballkan
