Getinjo dhe Vivien Thano janë dyshja më e komentuar përgjatë ditëve të fundit në rrjet.
Prej disa ditës çifti po përflitej se i kishte dhënë fund romancës së tyre e cila nisi disa muaj më parë brenda shtëpisë së “Big Brother VIP Kosova” ku vazhdoi më pas dhe jashtë.
E gjitha nisi kur reperi njoftoi fansat se do të largohej përkohësisht nga rrjetet sociale pasi po kalonte një fazë depresioni dhe fansat menduan se shkak i kësaj u bë ndarja me ish-banoren. Por Getinjo më pas i hodhi poshtë aludimet se dyshja i kishin dhënë fund lidhjes dhe se kjo ishte arsyeja e gjendjes së tij.
Mirëpo gjatë ditës së djeshme në rrjet qarkulloi lajmi se Vivien dhe këngëtari janë në pritje të fëmijës së tyre të parë. I menjëhershëm ka qenë më pas dhe reagimi i bukuroshes së cila i ka hedhur poshtë thashethemet duke u shprehur se ky lajm nuk është aspak i vërtetë.
“Nuk janë lajme të vërteta. Nuk e di nga e kanë nxjerrë këtë si lajm”, u shpreh Vivien për Prive.al.
VAZHDO TË LEXOSH MË TEPËR PËR TEMËN
