E gjeni ndonjëherë veten duke parë dollapin plot me rroba dhe duke u ndjerë sikur nuk keni asgjë për të veshur? Gjatë kohërave të vështira, mund të duket sikur i vetmi shpëtim është të bëni shopping – por blerja është gjëja e fundit që duhet të bëni.
Vetë fakti që sapo keni parë një gardërobë të mbushur plot me rroba dhe i keni thënë vetes “këtu nuk ka asgjë”, dëshmon se nuk po mendoni si duhet. Nga cilat veshje duhet të hiqni dorë?
Çdo gjë që e keni shumëfish
Të brendshmet dhe bluzat janë në rregull, por nëse vëreni se keni dhjetë fustane me lule, nuk është shenjë e mirë, veçanërisht nëse pëlqeni një ose dy më shumë se të tjerët. Zgjidhni të preferuarit tuaj.
Rroba që nuk i keni veshur kurrë, ose i keni veshur vetëm një herë
A janë shumë prej tyre nga i njëjti dyqan? A janë blerë për raste të veçanta? A kishte zbritje? A përshtaten me stilin tuaj? Bëni këto pyetje dhe do ta kuptoni se nga cilat veshje duhet të hiqni dorë.
Rroba që dikur i ke dashur dhe i ke veshur gjatë gjithë kohës, por tani i urren
Çfarë ndryshoi? A po kopjonit një stil që mendonit se dikujt tjetër i dukej bukur? Hiqni dorë nga këto rroba dhe flakini tutje.
Çdo gjë që nuk përshtatet ose do të përshtatej nëse do të ishit ndryshe (më e dobët, më e kolme, më e gjatë, më e shkurtër, çfarëdo).
Shihni të gjitha veshjet që keni dhe që nuk përshtaten më. Çfarë nuk shkon? A janë kopsat? Prerjet? Kushtojini vëmendje të veçantë dhe nëse mendoni se nuk ia vlen t’i keni, hidhni ose falini.
VAZHDO TË LEXOSH MË TEPËR PËR TEMËN
