21.05.2023 - 12:35
Partizani kishte në dorë të parakalonte Tiranën në derbin e fundit, por nuk ia doli dhe humbi një shans të artë pas atij barazimi. Megjithatë, duhet thënë se nuk doli tërësisht pa gjë.
Ky rezultat mban në fuqi avantazhin e “demave” në ndeshjet direkte, çka do të thotë se në rast se dy ekipet kryeqytetase e mbyllin kampionatin me pikë të barabarta, është skuadra e Kolelës ajo që merr trofeun shumë të lakmuar për shkak se ka arritur dy fitore, kundrejt një humbjeje dhe një barazimi në përballjet me bardheblutë.
E thënë më troç, Partizanit nuk i duhet humbja e Tiranës për ta parakaluar, por vetëm një barazim i kampionëve në fuqi në tri ndeshjet e mbetura, do të mjaftonte që të kuqtë të festonin titullin në rast se ata nuk bëjnë hapa fals.
