Kreu i Partisë së Lirisë, Ilir Meta e ka quajtur inskenim arrestimin e kandidatit të koalicionit të tij me Sali Berishën, Fredi Beleri.
Sipas Metës, Beleri është arrestuar për shkak të “inskenimeve të policisë së Bledi Çuçit”. Deklaratën, Meta e bëri nga selia e Partisë Demokratike pas takimit me Berishën.
Kujtojmë se Beleri u arrestua pak minuta pas mesnate në Himarë, me akuzën e korrupsionit për blerje votash. Sipas informacioneve, një person i afërt me Belerin ka ofruar 400 mijë lekë të vjetra për 8 vota, por një prej personave ka qenë i infiltruar nga policia.
“Ka orët e fundit të sundimit të tij monist me pushtetin vendor që është as si në vendin më të prapambetur. Sa i takon inskenimit të tij përmes policisë së Bledi Çuçit, të infiltruarve të tij për të provokuar ngjarje të tilla, ju siguroj se fitorja e opozitës në qarkun e Vlorës do të jetë dhe më e madhe. Shqetësimi i tij është i madh për shkak të grabitjes së pronave që janë bërë. 12 drejtorë hipoteke janë ndërruar vetëm në Vlorë për këtë punë. Ky ka në plan t’u grabisë tokat nga Vlora në Ksamil, edhe komuniteteve fetare.
Ai e donte dhe e do bashkinë e Sarandës dhe Himarës, për të kryer më tej gjithë atë pastrim parash. Zero ndikim, përkundrazi, do të ndikojë Edi Ramën i cili është një provokator. Ishte ai organizatori i atentatit në Kavajë në zgjedhjet e fundit, ishte ai provokator i ngjarjes kriminale në Elbasan. Janë të gjitha inskenime të policisë së Bledi Çuçit”, deklaroi Meta.
VAZHDO TË LEXOSH MË TEPËR PËR TEMËN
Arrestimi i Fredi Belerit, reagon kryeministri Rama
I dolën në mbrojtje Fredi Belerit, nuk përmbahet Artan Hoxha
