Trupat e misionit paqeruajtës të NATO-s në Kosovë, KFOR, janë përleshur në pasditen e së hënës më disa protestues serbë, të tubuar para ndërtesës së Komunës së Zveçanit.
Gjatë ndërhyrjes janë dëgjuar shpërthime të shumta dhe protestuesit janë parë duke hedhur gjësende në drejtim të trupave ndërkombëtare.
Serbët kanë protestuar që nga mëngjesi i 29 majit në Zveçan, Zubin Potok dhe Leposaviq, duke kundërshtuar kryetarët e rinj shqiptarë të këtyre komunave dhe duke kërkuar largimin e njësive speciale të Policisë së Kosovës nga veriu.
Përshkallëzohet situata në Zveçan, të shtëna me armë dhe gaz lotësjellës. Mësohet se ka pasur të shtëna me armë, janë hedhur granata nga serbët, ndërsa policia ka tentuar të shpërndarë turmën me gaz lotsjellës.
Pas tensionimit të situatës, është dashur ndërhyrja e forcave të KFOR, që ka shpërndarë protestuesit.
VAZHDO TË LEXOSH MË TEPËR PËR TEMËN
Trazirat në veri të Kosovës/ Majko: Konflikti shqiptaro-serb, një hap larg
