Zhvillimet nga gjyqi ndaj ish-presidenti Donald Trump lidhur me akuzën për abuzim seksual ndaj kolumnistes E Jean Carroll, ngjarje e ndodhur në 1996.
Seanca gjyqësore filloi rreth orës 10 të mëngjesit të së martës. Në bazë të provave të paraqitura nga palët, juria mori vendimin për shpalljen fajtor të ish-presidentit.
Avokati i Trump, Joe Tacopina paraqiti të hënë në gjyq dëshminë e ish-presidentin, i cili ndër të tjera hodhi poshtë akuzat, duke pretenduar se ngjarja ishte një histori e sajuar me motive politike. Një argument tjetër që dhanë avokatët e ish-presidentit kundër paditëses, ishte se nëse ngjarja do të ishte e vërtetë, kolumnistja duhet ta kishte denoncuar 30 vite më parë, atëherë kur pretendoi se ndodhi sulmi seksual në dyqanin e rrobave.
Mbrojtja e ish-presidentit, ndër të tjera argumentoi se Carroll dhe dy gra, për të cilat ajo tha se i tregoi menjëherë për sulmin dhe që dëshmuan gjatë gjyqit, kishin planifikuar të prishnin ambiciet politike të ish-presidentit.
Nga ana tjetër, avokatët e Carroll theksuan se Trump nuk dëshmoi dhe as nuk u paraqit në gjykatë për gjyqin. Mike Ferrara dhe Roberta Kaplan janë kundërpërgjigjur duke thënë se ky nuk është i vetmi rast ku ish-presidenti është përfshirë në sulm seksual, pasi ai është akuzuar nga shumë gra në të kaluar për të njëjtën vepër penale edhe pse asnjëherë nuk ishte dënuar.
Ky gjyq ishte rezultat i të dytit nga dy paditë e ngritura nga Carroll kundër Trump. E para, e cila u depozitua në vitin 2019 përpara se të miratohej Akti për të Mbijetuarit e të Rriturve, pretendon vetëm shpifje – jo sulme seksuale – për komentet që Trump bëri pasi Carroll publikoi fragmentin e kujtimeve të saj që tregon përdhunimin e dyshuar. Padia e parë përballet me vonesa sepse u ngrit gjatë kohës që Trump shërbente si president dhe punonjësit e qeverisë përgjithësisht mbrohen nga pretendimet për shpifje, të cilat mund të shkaktojnë dështimin e çështjes së Carroll. Është shtyrë pa afat një muaj para se të fillonte gjykimi për padinë e dytë.
Vendimi i gjykatës për të shpallur fajtor ish-presidentin amerikan, Donald Trump për abuzim seksual nuk pritet të ndikojë në zgjedhjet presidenciale të 2024.
Meqenëse gjyqi ishte i natyrës civile dhe jo kriminale, Trump nuk do të përballet me një dënim të ashpër apo burg, e as nuk mund të përjashtohet nga gara për Shtëpinë e Bardhë.
Verdikti civil nuk do të ketë ndikim te mbështetësit kryesorë të Trump, të cilët i shohin problemet e tij ligjore si pjesë e një përpjekjeje të bashkërenduar nga kundërshtarët për ta minuar atë.
Analistët amerikanë sqarojnë se edhe pse përpjekja e ish presidentit për të rifituar Shtëpinë e Bardhë do të përballet me një realitet tjetër, pasi ai tani është ligjërisht i përcaktuar si një abuzues seksual, rezultatet nuk parashikohet të ndikohen nga ky vendim.
VAZHDO TË LEXOSH MË TEPËR PËR TEMËN
