MENU
klinika

“Albin Kurti të japë dorëheqjen që sot”

Ramush Haradinaj reagon ashpër për situatën në veri

30.05.2023 - 18:37

Ramush Haradinaj ka reaguar për situatën e tensionuar në veri të Kosovës. Me anë të një postimi në rrjetet sociale, ish-kryeministri i Kosovës ka kërkuar nga Albin Kurti që të japë dorëheqjen që sot.

Sipas tij, Kurti së bashku me Vjosa Osmanin e kanë kthyer Kosovën 10 vjet prapa.

Haradinaj shprehet se Kosova nuk ka alternativë tjetër përpos të triumfojë edhe këtë herë.

“Albin Kurti e Vjosa Osmani për më pak se tre vjet në pushtet, nuk kanë lënë sukses pa e kthyer përmbys. Ata për kaq pak kohë e kanë kthyer Kosovën dhjetë vjet mbrapa.

Përjashtimi i Kosovës nga ushtrimi i NATO-s “Defender Europe 2023” është alarm për sigurinë tonë nacionale. Duhet të jesh shumë dritëshkurtër që në këtë kohë kaq delikate, të armiqësohesh me krejt botën demokratike?

Shtetet investojnë me dekada për të krijuar miqësi dhe aleanca. Në rastin tonë, del një Albin Kurti e tenton t’i rrëzojë ato. Ka pasur edhe të tjerë në historinë tonë që kanë dashur t’i përmbysin këto aleanca, por Kosova ka qenë më e madhe se sa vogëlsia e tyre dhe ka triumfuar. Ajo nuk ka alternativë tjetër përpos të triumfojë edhe këtë herë.

Populli i Kosovës që është populli më properëndimor i kontinentit, do të dijë t’i ruajë miqtë dhe orientimin e vet. Është i vogël Albin Kurti t’ia nderrojë orientimin Kosovës dhe popullit të saj.

Ai e ka vetëm një shans, që njëherë në jetën e tij t’ia bëjë një të mirë Kosovës! Të japë dorëheqje qysh sot”, shkruan Ramush Haradinaj.

VAZHDO TË LEXOSH MË TEPËR PËR TEMËN


Ambasadori i SHBA: Anulohet pjesëmarrja e Kosovës në...

Tensionet në Veri/ ‘Ndëshkimi’ i parë për Kurtin