Shtëpia e Bardhë ka kundërshtuar pretendimet ruse se Shtetet e Bashkuara të Amerikës organizuan një sulm të supozuar me dron në Kremlin, dje. Më herët sot, zëdhënësi i Kremlinit pretendoi pa asnjë provë, se SHBA-të ishin përgjegjëse për incidentin,
Dmitry Peskov tha se Ukraina e kreu sulmin sipas udhëzimeve të Uashingtonit. Mirëpo, zëdhënësi i Sigurisë Kombëtare të Shtëpisë së Bardhë, i tha transmetuesit MSNBC se pretendimet ishin të rreme dhe se ata nuk e inkurajuan Ukrainën të godiste jashtë kufijve të saj.
Në një intervistë të veçantë, John Kirby përsëriti se Shtetet e Bashkuara nuk kishin “asnjë rol” në incident.
“Unë thjesht do t’ju thoja se z.(Dmitry) Peskov gënjen. Dua të them, është padyshim një pretendim qesharak. Shtetet e Bashkuara nuk kishin asnjë lidhje me këtë. Ne as nuk e dimë se çfarë ndodhi këtu.
Por unë mund t’ju siguroj se Shtetet e Bashkuara nuk kishin asnjë rol në të”, është shprehur zëdhënësi i Sigurisë Kombëtare të Shtëpisë së Bardhë, John Kirby.
VAZHDO TË LEXOSH MË TEPËR PËR TEMËN
