Presidenti rus, Vladimir Putin duhet të sillet para drejtësisë për luftën e tij në Ukrainë, tha presidenti ukrainas Volodymyr Zelenskiy të enjten në Hagë, duke bërë thirrje për krijimin e një gjykate speciale të dedikuar për të gjykuar pushtimin rus.
“Ne do të krijojmë një gjykatë të veçantë për të treguar se këta njerëz nuk janë të paprekshëm”, tha Zelenskiy në një konferencë për shtyp.
“Ne kemi nevojë për drejtësi”, shtoi ai, shkruan Reuters.
Gjykata Ndërkombëtare Penale, një gjykatë e përhershme për krimet e luftës me seli në Hagë, në mars lëshoi një urdhër arresti për Putinin për dëbimin e dyshuar të fëmijëve nga Ukraina, që do të ishte një krim lufte.
Komisioni Evropian, ndër të tjera, ka thënë se mbështet krijimin e një qendre të veçantë ndërkombëtare për ndjekjen penale të krimit të agresionit në Ukrainë, që do të ngrihet në Hagë.
VAZHDO TË LEXOSH MË TEPËR PËR TEMËN
‘Cari’ që gremis Rusinë dhe po shkatërron Europën
“Diplomacia e butë”, ilaçi i kësaj bote të sëmurë
