Ideja e një Force Ajrore Nordike, duket si një ide e çmendur, megjithatë duket se do të konkretizohet shumë shpejt, duke u bërë një “mini-NATO”, brenda NATO-s.
Me Suedinë që synon të hyjë në NATO në samitin vjetor të aleancës 31-vendëshe në Vilnius, Lituani, në korrik, të gjitha shtetet nordike do të jenë anëtare atëherë.
Dhe ata kanë një plan ambicioz për të centralizuar komandën e rreth 250 avionëve luftarakë në katër vendet nën një sistem komandimi dhe kontrolli.
“Planet për pjesën veriore të aleancës do të jenë shumë më të lehta për t’u zhvilluar, pavarësisht nëse është afërsia me shtetet baltike, apo fakti që, më parë, ishte një kufi shumë i shkurtër midis Norvegjisë dhe Rusisë,” tha Camille Grand, një ish-ndihmës sekretari i përgjithshëm i NATO-s.
Dhe do të jetë një test i madh për avionin luftarak F-35 të prodhuar në SHBA, i cili do të përbëjë pjesën më të madhe të flotës ajrore nordike.
Finlanda urdhëroi 64 prej tyre në vitin 2021, Danimarka ka porositur 27 dhe Norvegjia do të rrisë flotën e saj në 52 në vitet e ardhshme.
Këta avionë nuk janë parë në Ukrainë, por ata patrullojnë qiellin mbi Evropën Lindore dhe janë parë si një opsion më i mirë se avionët e prodhuar në Evropë për vendet që përpiqen të përmirësojnë flotën e vjetër të F-16-ve, të prodhuar në SHBA.
Edhe Zvicra neutrale ushtarakisht njoftoi një marrëveshje prej 5.5 miliardë dollarësh për F-35 në 2021. Ekziston edhe një precedent historik për një aleancë të tillë-brenda-aleancës.
Masa do të ndihmojë gjithashtu NATO-n të kompensojë boshllëqet në mbulimin ajror mbi rajonin e Detit Baltik, duke zvogëluar gjasat që Rusia të sulmojë cilindo nga këto vende skandinave.
