Sekretari amerikan i Shtetit, Antony Blinken tha këtë të dielë se rebelimi nga forcat mercenare Wagner tregoi “të çara në fasadën” e udhëheqjes autoritare të presidentit rus Vladimir Putin.
SHBA do të vëzhgojnë nga afër divizionet e brendshme të Putin dhe rusëve të tjerë, për të përcaktuar se sa kontroll do të mbajë ai brenda vendit dhe mbi luftën në Ukrainë, tha Blinken për CBC.
Presidenti Biden nuk është përpjekur të kontaktojë Putinin që nga trazirat e së shtunës. Megjithatë, ai ka mbledhur këshilltarët e tij të sigurisë kombëtare dhe aleatët kryesorë”, tha diplomati.
Blinken shtoi se mbetet e paqartë nëse të gjitha forcat e Grupit Wagner të udhëhequr nga Yevgeniy Prigozhin, do të kthehen në Ukrainë pas kthesës së tyre të papritur në jug të Moskës këtë të shtunë.
Prigozhin thuhet se siguroi imunitet për ushtarët e Grupit Wagner që morën pjesë në një sfidë të paprecedentë ndaj autoritetit të Putinit. Sipas një marrëveshjeje të raportuar nga media shtetërore ruse, anëtarët e forcave të tij që nuk morën pjesë do të nënshkruajnë kontrata me ushtrinë ruse dhe pjesëmarrësit do të ndjekin Prigozhin në Bjellorusi.
Pasiguria mund të ofrojë mundësi për Ukrainën teksa ajo kërkon përfitime territoriale, tha Blinken, duke shtuar se fokusi i Shteteve të Bashkuara mbetet te lufta.
“Tani që Rusia është konfuze, Putini duhet të shqetësohet për atë që po ndodh brenda Rusisë po aq sa duhet të shqetësohet për atë që po përpiqet të bëjë në Ukrainë, mendoj se kjo krijon një avantazh shtesë për ukrainasit që të përfitojnë”, deklaroi Antony Blinken.
VAZHDO TË LEXOSH MË TEPËR PËR TEMËN
