Deputeti i PD-së, Gazment Bardhi duke folur për situatën e opozitës, deklaroi se në tavolinë përveç Sali Berishës ka ftuar dhe Lulzim Bashën, edhe cilido kolegë, që dëshiron që opozitarët të jenë në parlament për çështjet që bien dakord.
Në një intervistë për “Real Story”, ai theksoi se duhet ta lënë mënjane konfliktin 2-vjeçar, të cilit nuk i japin dot zgjidhje. Ai shtoi se ndarja në grupe veçse e dobësoi opozitën dhe për këtë arsye ai mendoi një qasje ndryshe.
“Unë nuk i jam rikthyer askujt, unë vazhdoj të kem qëndrimet e mia në raport me PD. Por ju përmendet Kukësit, Rrogozhinën dhe nuk duhet harruar 14 maji. Fakti është që nga një betejë 2 vjeçare brenda PD, jo vetëm nuk u arrit beteja për cilën ishte nisur, forcimi i PD, forcimi i opozitës dhe për faktin që disa e lanë betejën që në nisje. Rezultati ishte që opozita po dobësohej dhe Shqipëria po rrezikonte të mbeste pa opozitë funksionale.
Që ditën e parë që unë kam marrë funksionin tim si kryetar grupit parlametar i PD, jam i ndërgjegjshëm që qëndrimet brenda partisë janë të largëta dhe në këto momente që flasin e kanë të pamundur të ofrojnë një zgjidhje të pranueshme për secilin dhe zgjidhja që unë do doja të shikoja në PD është mesë e qartë, duke e lënë mënjanë këtë konflikt që nuk i japim dot zgjidhje. Atëherë unë si kryetar kam ftuar në një tryezë 59 deputetët e PD dhe Aleancës për Ndryshim. Unë nuk kam ftuar në tavolinë vetëm zotin Berisha, por dhe Zotin Basha, cilido kolegë, që dëshiron që ne opozitarë të jemi në parlament për ato çështje që biem dakord, sigurisht që ka dhe çështje për të cilat nuk biem dakord“, u shpreh Bardhi.
VAZHDO TË LEXOSH MË TEPËR PËR TEMËN
“Nëse opozita vijon me Belerin, në 2025 dalim vetëm në zgjedhje”
