“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: A ndikon mungesa e vitaminave në dhimbjet e barku?
Mjeku: Fryrje barku apo gazra? Keni dhimbje në stomak apo probleme të shpeshta kur jashtëqitni? Një filetë salmon dhe pak rreze dielli mund t’u ndihmojnë të shëroheni.
Një studim i ri i publikuar tek revista “BMJ Open Gastroenterology” sugjeron se ju mund të përjetoni këto probleme gastrointestinale pasi keni mungesë të vitaminës D.
Gjatë studimit, hulumtuesit shkencorë zbuluan se rreth 82% e pacientëve me sindromën e zorrës së irrituar (IBS) (një çrregullim që prek zorrën e trashë dhe karakterizohet nga dhimbja e stomakut, kapsllëk, diarre dhe fryrje në bark) kishin nivele të ulëta të vitaminës D. Sa më të ulëta të ishin këto nivele, aq më të shumta ishin simptomat që e përkeqësonin edhe më shumë shëndetin.
Shpjegimi i vetëm që mund të japim për efektet e kësaj lënde ushqyese tek zorrët është: brenda zorrëve ka receptorë të vitaminës D të cilët ndihmojnë në rregullimin e inflamacionit të zorrëve, prandaj nga mungesa e kësaj vitamine mund të shkaktohen këto simptoma.
Vitamina D luan gjithashtu një rol të rëndësishëm në prodhimin e serotoninës, prandaj njerëzit me sindromën e zorrës së irrituar janë zakonisht të stresuar.
Si mund ta merrni vitaminën D?
Vitaminën D mund të merrni nga ushqime të ndryshme, si peshku, veza, kërpudhat, produktet e qumështit (kos, qumësht, djathë) dhe drithërat.
Një burim i rëndësishëm i vitaminës D është gjithashtu dielli. Gjatë muajve të verës mund të merrni më shumë vitaminë D nga rrezet e diellit.
Merrni suplemente të vitaminës D, vetëm mos e teproni me to
Gjatë muajve të dimrit, meqë mungojnë rrezet e diellit dhe ushqimet e pasura me vitaminë D nuk i plotësojnë të gjitha nevojat, mund ta merrni këtë vitaminë me anë të suplementeve. Mund të merrni vitaminën D3 (cholecalciferol), por jo më shumë se 1,500 IU në ditë.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
A mund të përhapet kanceri i mitrës edhe pas histerektomisë?
Aritmia idiopatike, a është shqetësuese?
