Një turiste gjermane ka humbur jetën pasditen e sotme pasi ka rënë nga gremina, teksa ishte duke vizituar zonën e Thethit në Shkodër.
Sipas policisë 31 – vjecarja ka pësuar dëmtime dhe për pasojë ka ndërruar jetën. Ndërkohë shërbimet e Policisë janë nisur në vendin e ngjarjes, bashkë me shërbime të specializuara, për të nxjerrë trupin e pajetë të kësaj shtetaseje, nga terreni i vështirë malor ku ka rënë.
“Mesditën e sotme, salla operative e Komisariatit të Policisë Shkodër ka marrë njoftim nëpërmjet një telefonate se shtetasja gjermane R. P., 31 vjeçe, duke u ngjitur në mal, bashkë me një shtetas tjetër gjerman, në vendin e quajtur “Shpella e Harapit”, Shalë, Shkodër, kishte rrëshkitur dhe kishte rënë në greminë.
Si pasojë e dëmtimeve, kjo shtetase ka humbur jetën.
Shërbimet e Policisë janë nisur në vendin e ngjarjes, bashkë me shërbime të specializuara, për të nxjerrë trupin e pajetë të kësaj shtetaseje, nga terreni i vështirë malor ku ka rënë”, thuhet ne njoftimin e policise.
Nderkohe grupi hetimor vijon punën për sqarimin e rrethanave të kësaj ngjarjeje.
