Superliga shqiptare e futbollit ka nisur këtë të diel me raundin e shtatë. Në Rrogozhinë, me fillim nga ora 14:00 Egnatia vendase humbi 0-1 me Teutën, teksa dueli u vendos nga goli i Realdo Filit, kjo pas gafës së mbrojtjes së Egnatias. Në 16:30 në Korçë luhet ndeshja mes Skënderbeut dhe Partizanit.
Në stadiumin “Arena Egnatia” në Rrogozhinë, Egnatia vendase befasoi dhe humbi 0-1 nga Teuta, për javën e shtatë në Superligë. Një gafë në prapavijë bëri që skuadra e Edi Martinit të dilte me tri pikë nga transferta, duke iu falur golit të Realdo Filit në minutën e 61 të ndeshjes. Një top i mbajtur më shumë seç duhet nën kontroll nga vendasit, bëri që fantazisti të “grabiste” sferën dhe me një të djathtë ta kalonte pas shpinës së Sherrit. Edhe pse kryesuese e klasifikimit, tanimë Egnatia pëson disfatën e dytë këtë sezon me të njëjtin rezultat (pas humbjes me Skënderbeun), duke mbetur në kuotën e 13-të pikëve, tre më shumë se Tirana që të martë pret Laçin në kryeqytet. Nga ana tjetër, Teuta me tetë pikë ngjitet në vendin e shtatë.
Superliga – java 7:
E diel
14:00 Egnatia 0-1 Teuta
16:30 Skënderbeu – Partizani
E hënë
14:00 Kukësi – Erzeni
18:00 Dinamo – Vllaznia
E martë
14:00 Tirana – Laçi
Renditja:
