Superliga shqiptare e futbollit mbyll këtë të diel javën e tetë. Gjithçka filloi në orën 14:00, aty ku Laçi fitoi 2-0 me Skënderbeun, me kurbinasit që marrin vendin e dytë në klasifikim. Në 18:00 Partizani luan me Kukësin dhe po në 18:00 luhet derbi mes Teutës dhe Erzenit në “Niko Dovana”.
Në Kurbin, Laçi fitoi 2-0 me Skënderbeun. Skuadra e Mirel Josës ishte më kërkuese në fushë, duke marrë tri pikë për javën e tetë. Goli i parë i ndeshjes u shënua në të 42 minutë nga Melo. Pjesa e dytë ishte më e luftuar, teksa korçarët nuk ia dolën të gjenin barazimin. Në të 56 minutë ishin sërish vendasit që gjetën golin e dytë me Sobouale. Goditja e Qatos u stampua në shtyllë dhe më pas në trupin e Alias, ndërsa sulmuesi nuk e pati të vështirë të shënonte golin e dytë. Me Mirel Josën në stol, Laçi siguron fitoren e dytë radhazi dhe me 13 pikë ngjitet në vendin e dytë të renditjes. Nga ana tjetër, pas dy fitoreve, Skënderbeu pëson humbje dhe me 12 pikë renditet në pozitën e katërt.
Superliga – java 8:
E premte
Egnatia 3-0 Dinamo
E shtunë
Vllaznia 0-1 Tirana
E diel
14:00 Laçi 3-0 Skënderbeu
18:00 Partizani – Kukësi
18:00 Teuta – Erzeni
Renditja:
