Emergjenca e emigrantëve vazhdon të jetë një çështje jashtëzakonisht delikate për gjithë Europën. Italia kërkon mbështetje nga partnerët e saj evropianë, por Franca dhe Gjermania duket se po vendosin kufizime në kufijtë e tyre.
Së fundmi, xhandarmëria franceze refuzoi emigrantët drejt Piemontes, në Luginën e Suzës, Torino. Presidenti i organizatës jofitimprurëse “Rainbow4Africa”, Paolo Narcisi tha: “Situata u përditësua nga vullnetarët e Kryqit të Kuq që ndërhynë për të ndihmuar. Strehimi është plot, vlerësojmë se janë pritur mbi 180 emigrantë”, tha ai.
Mëngjesin e djeshëm rreth orës 8, sipas asaj që thonë organizatat jofitimprurëse, 40 emigrantë të tjerë janë larguar për në pyll. Emigrantët, në rrëfimet e tyre, flasin “për dronët e përdorur nga zhandarmëria për t’i larguar”. Në këtë rast, konfirmohet se Franca ka injoruar direktivat e Bashkimit Evropian dhe ka vazhduar me refuzimet në kufijtë italianë.
Këtë e kishte bërë të ditur shteti i drejtuar nga Emmanuel Macron. Por përtej fjalëve, tani ka fakte. Krahas sigurimit të kufirit me Ligurinë, në fakt Franca ka forcuar kufijtë alpinë jo vetëm me ushtrinë, por edhe me mbështetjen e teknologjisë.
Në fakt, vetë emigrantët thonë se janë refuzuar përmes përdorimit të dronëve. Roma e ka akuzuar Parisin për thyerjen e normave ndërkombëtare të mos-kthimit (anti-pushtim) ndërsa nuk ka ndihmuar Italinë me fluksin në rritje të emigrantëve nga Afrika përtej Medit. Gjykata Evropiane e Drejtësisë ka thënë se politika e Francës për të refuzuar hyrjen e shtetasve të vendeve të treta që qëndrojnë ilegalisht në kufijtë e saj me shtetet e tjera anëtare, shkel ligjin e BE-së.
VAZHDO TË LEXOSH MË TEPËR PËR TEMËN
Frontex: Gjithçka për mbrojtjen e kufijve të jashtëm të BE?
Emigrantët mund të jenë “kurbani” i ardhshëm i Covid, kur Europa…
Krizë për punonjës/ Nuk janë zgjidhje emigrantët
