Kabineti i luftës i Izraelit ka diskutuar mundësinë e zgjatjes së armëpushimit me Hamasin gjatë mbledhjes së tyre të fundit sot në mbrëmje, sipas një burimi izraelit për CNN.
Raportohet se kushtet për një zgjatje mbeten të pandryshuara nga marrëveshja fillestare, që do të thotë se Hamasi duhet të lirojë 10 pengje shtesë për çdo ditë pauzë shtesë nga luftimet.
Kujtojmë se Izraeli dhe Hamasi arritën një marrëveshje javën e kaluar për një pauzë katër-ditore në luftime dhe lirimin e të paktën 50 grave dhe fëmijëve të mbajtur peng në Gaza.
Marrëveshja përfshinte pengjet që mbaheshin robër nga Hamasi, duke u liruar në këmbim të një numri grash dhe fëmijëve palestinezë në burgjet izraelite.
Armëpushimi, ndërkohë, lejoi gjithashtu hyrjen e “një numri më të madh të autokolonave humanitare dhe ndihmave.” Lirimi i parë i pengjeve dhe të burgosurve u bë të premten, ndërsa të tjerët u liruan të shtunën dhe të dielën.
