Presidenti serb Aleksandër Vuçiç ka mbrojtur politikën e jashtme të qeverisë së tij lidhur me Kosovën pas kritikave të opozitës.
Vuçiç ka deklaruar se ata që e kritikojnë nga radhët e opozitës se duhet të ishte më i ashpër me Kosovën, nuk kuptojnë asgjë nga politika e jashtme.
Vuçiç tha se gjatë viteve që partia e tij ndodhet në pushtet, falë politikës së tij të jashtme ka hequr 28 njohje të pavarësisë së Kosovës.
“Është e lehtë të kritikosh qeverinë. Kanë 11 vjet që thonë që e kam njohur pavarësinë e Kosovës. Por gjatë qeverisjes sime 28 shtete e tërhoqën njohjen e Kosovës. Zgjedhjet nuk janë lojë. Qytetarët vendosin sesi do të jetë vendi i tyre. Libia ka më shumë naftë se Emiratet Arabe, por shikoni dy shtetet sa ndryshojnë”, deklaroi Vuçiç.
VAZHDO TË LEXOSH MË TEPËR PËR TEMËN
“Kosova dhe Serbia duhet të japin e të marrin në bisedime”
