Ministri i Brendshëm, Taulant Balla ka folur edhe për dy aplikacione të tjera që përdorin grupet kriminale, pas SKY ECC dhe Enchro Chat.
Balla u shpreh se Europol po administron informacionin nga këto dy shërbime dhe në janar do të shkojë në Agjencinë e Zbatimin e Ligjit për këto aplikacione të reja.
Ai u shpreh se formulari i vettingut për efektivët e policisë do të përsëritet, teksa paralajmëroi se kush i ka shërbyer krimit i veshur me uniformën e Policisë së Shtetit do të vendoset para drejtësisë.
Balla: “Do të informoheni edhe për dy shërbime të tjera, për të cilat do të bashkërendojmë me Europol në javët në vijim.
Do të jem në një vizitë në Europol në janar për dy aplikacione të tjera, për të cilat Europol është duke administruar informacionin e duhur. Formulari do të përsëritet për dy aplikacione të reja. Procesi i vetëpastrimit ecën përpara. Kush e ka ndarë mendjen të punojë ndershmërisht në shërbim të qytetarëve të ligjit do të vazhdojë të jetë pjesë e policisë së shtetit. Kush i ka shërbyer me gradat dhe me uniformat e policisë së shtetit interesave të krimit të organizuar në këtë vend duhet të largohet dhe të përballet me drejtësisë.”
VAZHDO TË LEXOSH MË TEPËR PËR TEMËN
AMP: Kush e ka përdorur rrezikon përjashtimin, duhet ta deklarojnë
Ministri Balla paralajmëron: Do të përjashtohet çdo efektiv që…
