rokuroria e Elbasanit ka kërkuar burgim të përjetshëm për Ardit Hidën, i cili akuzohet se ka vrarë Florenc Kovaçin dhe ka plagosur rëndë vëllain e këtij të fundit, Mikel Kovaçin.
Kujtojmë se “mollë sherri” ishte një vajzë, motra e autorit, aso kohe 14 vjeçe.
Adit Hida kishte shkuar për të takuar vëllezërit Kovaçi, kjo pasi 14-vjeçarja kishte lidhje me një prej tyre, Mikel Kovaçin.
Sipas dëshmive të shumta të familjarëve dhe pretendimeve të ngritura, e mitura konsumonte lëndë narkotike, të cilën ia siguronte Mikel Kovaçi.
Njoftimi:
Në funksion të njoftimit të publikut dhe medias komunikohet se :
Prokuroria pranë Gjykatës së Shkallës së Parë të Juridiksionit të Përgjithshëm Elbasan ka dhënë konkluzionet përfundimtare në kuadër të procedimit penal Nr.1695 e vitit 2021, në ngarkim të të pandehurit Ardit Hida i akuzuar për kryerjen e veprës penale të “Vrasjes në rrethana të tjera cilësuese” parashikuar nga neni 79/dh i K.Penal në dëm të viktimave F.Kovaci dhe M.Kovaci, ngjarje e ndodhur në datë 05.11.2021 në vendin e quajtur “Sporti Vjetër” Elbasan, ku i pandehuri me dashje ka qëlluar me mjet të mprehtë në drejtim të shtetasve M. dhe F.Kovaci duke shkaktuar vdekjen e shtetasit F.Kovaci dhe të plagosë rëndë shtetasin M.Kovaci.
Në përfundim është kërkuar deklarimi fajtor i të pandehurit Ardit Hida, për kryerjen e veprës penale të “Vrasjes në rrethana të tjera cilësuese” e kryer kundër dy ose më shumë personave nga të cilët për njërin ka mbetur në tentativë të parashikuar nga neni 79 gërma “dh” i K.Penal, dhe në bazë të kësaj dispozite dënimin e tij me burgim të përjetshëm.
NGJARJA
Ka qenë ora rreth 19 e 50 minuta, 5 nëntor 2021, kur dy vëllezërit, përkatësisht Florenc dhe Mikel Kovaçi, janë konfliktuar me një grup të rinjsh, konflikt, i cili dyshohet se ka ndodhur për shkak të një femre. Ata kanë debatuar fillimisht me fjalë dhe më pas janë përdorur armë të ftohta. Për pasojë humbi jetën Florenc Kovaçi, ndërsa mbeturi plagosur rëndë vëllai i tij, Mikel Kovaçi.
Sherri që përfundoi me vrasje dyshohet të jetë bërë motra e mitur e autorit. Ardit Hida kishte shkuar për të takuar vëllezërit Kovaçi, kjo pasi motra e tij kishte lidhje me një prej tyre, Mikel Kovaçin. Sipas dëshmive të shumta të familjarëve dhe pretendimeve të ngritura, e mitura konsumonte lëndë narkotike, të cilën ia siguronte Mikel Kovaçi.
VAZHDO TË LEXOSH MË TEPËR PËR TEMËN
Konflikti mes të rinjve/ Zbardhen e emrat e dy të vëllezërve
Detaje nga vrasja e të riut në Elbasan
I riu nga Elbasani flet për akuzat e të dashurës 14-vjeçare
