Një ditë pas seancës së tensionuar parlamentare, Partia Socialiste ka kërkuar përjashtimi e tre deputetëve demokratë, konkretisht Saimir Korreshi, Edmond Spaho dhe Kastriot Piroli.
Sipas mazhorancës këta tre ligjvënës krijuan kaos në Kuvend e ndezën tymuese, duke mos lejuar zhvillimin normal të seancës plenare një ditë më parë.
Kujtojmë që ditën e djeshme (14 dhjetor) mazhoranca mes tymueseve miratoi rregulloren e re e cila përjashton me 2 muaj deputetët që shkaktojnë kaos në Kuvend.
Seanca zgjati vetëm 8 minuta, ndërsa 13 deputetët e përjashtuar për më shumë se një orë e gjysmë, në përpjekje për tu futur në sallë, u përplasën fizikisht me gardën, ndërsa thyen xhamin e derës kryesore të Kuvendit.
Përplasje dhe tensione pati edhe mes deputetëve të Partisë Demokratike dhe atyre të PS. Këta të fundit nuk u lejuan të futeshin brenda ambienteve të Parlamentit.
VAZHDO TË LEXOSH MË TEPËR PËR TEMËN
“10 ditë të përjashtuar nga komisionet dhe seancat plenare”
Balla kujton Kodin Penal për deputetët e opozitës: Deri në 5 vite burg
