Gazetari i Report Tv Elvis Hila gjatë një lidhje skype për “Repolitix” me gazetarin Denis Minga dha detaje mbi çështjet që janë diskutuar gjatë mbledhjes së qeverisë ditën e sotme në Shëngjin.
Ai tha se në tryezën e diskutimit ka pasur sondazhe të mendimit të qytetarëve lidhur me performancën e ministrive të ndryshme dhe theksoi se kryeministri Edi Rama u shfaq i pakënaqur sa i takon shërbimeve online që ofrohen nga administrata publike.
“Më i gjatë në fjalën e tij ka qenë Blendi Çuçi që ka kaluar në skaner veprimtarinë e deputetëve në vitin 2023, marrëdhëniet e tyre me elektoratin, qëndrimet e tyre në Kuvend ndërsa pjesa e dytë e takimit u përqendrua tek puna e qeverisë ku cdo ministri ka analizuar punën e saj.
Në tavolinë kanë qenë edhe sondazhet e publikut mbi cdo ministri. Sa i takon shërbimeve online, kryeministri u ka kërkuar ministrive përkatëse por edhe drejtorive një rritje të performancës sa i takon administratës në ofrimin e shërbimeve online. Mbledhja ka përfunduar rreth orës 19:00 për të nisur diën e nesërme.
Rama nuk është shprehur i kënaqur sa i takon punës së disa ministrive, sa i takon sidomos shërbimeve online ndaj ka kërkuar vëmendje në këtë drejtim. Në mënyrë që qytetarët të kenë sa më shumë akses tek shërbimet”- u shpreh gazetari ndër të tjera.
