Ngjela: Beleri është agjent grek, ta marrin e ta çojnë ku të duan

Avokati Spartak Ngjela komentoi deklaratat e Fredi Belerit dhe arrestimin e Jorgo Goros.

Lidhur me deklaratën e Belerit se arrestimi i tij është me urdhër të qeverisë, ai u shpreh se kryeministri Edi Rama nuk ka gjë në dorë, por SPAK drejtohet nga Amerika.

Sipas Ngjelës, Fredi Beleri është agjent grek dhe përdoret nga shteti fqinj.

“Tha Beleri arrestin ma bëri Rama, mirëpo SPAK arrestoi edhe kryetarin e Himarës. Kuptohet që Rama nuk ka gjë në dorë, SPAK-un, Amerika tha e drejtojmë ne. Beleri është një copë gomar, Beleri është injorant, s’e ke parë kur flet? Njeri pa shkollë i shkreti, por agjent i tyre, le ta marrin e ta çojnë ku të duan, këtu nuk hyn në punë. Le ta çojnë në Evropë Belerin”, tha Ngjela i ftuar në emisionin “Breaking”.