Brenda Benzit të blinduar, që dyshohej se përdorej nga Elio Hato në Sauk, janë gjetur 2 armë zjarri dhe një bllokues valësh.
Mobilizimi për kapjen e Elio Hatos ka ardhur pas një informacioni të mbërritur në polici. Sipas policisë, automjeti është në pronësi të 28 vjeçarit Emiliano Nina, i cili ndodhet në burg, por që përdorej nga Ols Gjoshi.
Policia ka zbuluar se në Benzin e blinduar, dhe që dyshohet se dje përdorej nga Elio Hato, u gjetën një armë zjarri automatik, një pistoletë dhe një bllokues valësh.
Për të zbuluar se kujt i përkasin këto sendeve të kundraligjshme, policia i ka dërguar në policinë shkencore për gjurmë të ADN por edhe për të parë nëse janë përdorur në ngjarje të tjera kriminale.
Përgjatë gjithë natës ka pasur krehje të zonën më qëllim kapjen e Hatos por nuk është arritur në finalizimin e tij. Makina u gjet në një parking pallati në rrugën “Xhabrahimi”, në Sauk i Vjetër.
Ndërkohë në kërkim është shpallur edhe Ols Gjoshi.
