Një kandidaturë e Fredi Belerit në fletën evropiane të partisë “Demokracia e Re” duket e vështirë, sipas të dhënave aktuale.
Kjo pasi kryeministri grek dhe njëkohësisht kryetari i partisë “Demokracia e Re”, Mitsotakis ende po punon për vendimin e tij përfundimtar.
Megjithatë, siç raportojnë bashkëpunëtorët e tij, nominimi në fjalë, kishte dhe ka ende disa pika shqetësuese, me shumicën që aktualisht nuk do që Beleri të jetë kandidat.
Kryeministri Mitsotakis u tha bashkëpunëtorëve të tij të afërt se vendimin e tij do ta shpallë të shtunën, dy ditë para prezantimit të “votimit evropian” blu që do të bëhet në Konservatorin e Athinës.
Kujtojmë se pak ditë më parë djali dhe vëllai i Fredi Belerit ishin në Megaros Maximos, duke diskutuar për opsionet e disponueshme, ndërsa morën pjesë edhe në konferencën e partisë “Demokracia e Re”, fundjavën e kaluar.
Kryeministrit i janë bërë që në fillim dy propozime të kundërta: njëri të përfshijë Belerin, i cili preferohet nga publiku i djathtë, tjetri që Greqia të mos rrezikojë ta kthejë në një çështje evropiane, si p.sh. përfshirjen e një kryebashkiaku të dënuar në Shqipëri.
Mitsotakis kishte shqetësime të forta që në fillim, por duke parë rrjedhjet e partisë së tij, dhe ai kishte filluar të mendonte seriozisht për përfshirjen e Belerit. Megjithatë, duket se ditët e fundit faktet po ndryshojnë sërish, këtë herë nga e kundërta.
VAZHDO TË LEXOSH MË TEPËR PËR TEMËN
“Pas arrestimit të Belerit u hapën 64 portale të paidentifikuara propagandistike”
‘Kathimerini’: Nëse Beleri dënohet, Athina do të…
“Greqia e ka lënë pezull opinionin e vet, ne nuk ndryshojmë qëndrim”
