Rafah është gjithashtu një zonë relativisht e vogël, kështu që duket se nuk ka gjasa të ketë ndonjë efekt të rëndësishëm ushtarak.
Ditën e sotme presidenti Joe Biden paralajmëroi se SHBA do të ndalonte furnizimin me armë nëse forcat izraelite kryejnë një ofensivë në shkallë të plotë në Rafah. Kjo shënoi gjuhën e tij më të fortë deri më sot për këtë çështje.
Por a mund t’i arrijë Izraeli qëllimet e tij pa armët amerikane?
Analisti ushtarak Sean Bell thotë se ka shumë të ngjarë që ata të munden. Sipas tij, edhe pse SHBA-ja ka thënë se po ndalon furnizimin me armë, nuk do të ndalojë furnizimin me armë mbrojtëse.
Bell thotë se Izraeli do të ketë “stoqe të konsiderueshme” dhe do t’i përdorë ato nëse merret vendimi për të shkuar në Rafah.
Rafah është gjithashtu një zonë relativisht e vogël, kështu që duket se nuk ka gjasa të ketë ndonjë efekt të rëndësishëm ushtarak, shtoi më tej ai.
Sipas Bell komentet e Biden kanë më shumë gjasa të jenë një “deklaratë politike”.
“Gjykata Ndërkombëtare e Drejtësisë tha se Izraeli duhet të bëjë më shumë për të mbrojtur popullsinë civile dhe çdo komb që i ofron armë një vendi që më pas i përdor ato në kundërshtim me ligjin ndërkombëtar, gjithashtu bëhet i prekshëm. Unë mendoj se kjo është një deklaratë vërtet e qartë nga Presidenti Biden. Ai nuk dëshiron të njolloset me atë furçë si të gjithë. Unë nuk mendoj se do të ketë një ndikim ushtarak, por mendoj se ky është një reflektim i zhgënjimit që Biden ndjen me veprimet e Netanyahut“, përfundoi eksperti ushtarak./SkyNews
