Benefitet e shpargut në organizmin tuaj!

Shkencëtarët nga Universiteti Jeju në Korenë Jugore kanë dëshmi që aminoacidet nga shpargu lehtësojnë simptomat e migrenës dhe mbrojnë mëlçinë nga toksinat. Në studimin e publikuar në “Journal of Food Science” hulumtuesit kanë analizuar komponentët e shpargut dhe kanë vëzhguar efektin në organizmat e gjallë, qeliza dhe njerëz. Udhëheqësi i hulumtimit Y.Kim thotë:

Helmimi i qelizave ka qenë dukshëm më i vogël pas konsumimit të shpargut.

Ata kanë konstatuar edhe që gjethet e imëta, të petëzuara të shpargut janë më të pasura me aminoacide dhe minerale, pra edhe më efikase në parandalimin e dhimbjes së kokës. Hulumtimet e mëhershme kanë treguar që shpargu është i pasur me aminoacide, të cilat stimulojnë funksionin e enzimave, çka përsëri shpejton shpërbërjen apo tretjen e alkoolit në trup.

Shpargu shpesh përdoret në mjekësi alternative sepse konsiderohet që vepron kundër kancerit. Përdoret edhe te shërimi i kërpudhave, infeksioneve, por vepron edhe si diuretik. Kjo perime është me pak kalori, ndërsa është e pasur me vitamina, minerale dhe fibra. Vlera energjetike e 100 gramë shpargu është vetëm 35 kalori, sepse pjesën më të madhe e përben uji (93%), derisa 1,7% bie në proteina, 2.6% në karbohidrate dhe 0,7 në yndyra.

Nga vitaminat dhe mineralet, më së shumti ka kalium dhe kalcium, magnez, hekur, fosfor; bakër, mangan, selen dhe zink, vitaminë B6, vitaminat A, C, K dhe E, tiaminë, riboflavinë, rutinë, niacinë. Është interesante që aminoacidi asparagin, i cili gjendet në sasi të mëdha në shparg, emrin e ka marrë pikërisht nga shpargu.