Në internet janë bërë virale videot ku njerëzit provojnë të qëndrojnë për disa sekonda, apo për ata që janë pak më të guximshëm, minuta, në ujë akull të ftohtë ku pluskojnë edhe kubat e akullit.
Një ‘sfidë’ për organizmin tonë, por për këdo që e praktikon, konsiderohet si një ritual që i sjell plot të mira trupit. Dorian Zazo, një nga të ftuarit e ditës në “Shije Shtëpie” në Tv Klan është një prej ‘besnikëve’ të kësaj rutine. Ai ka arritur të qëndrojë 10 minuta ndërsa temperaturat jashtë arrinin në -2 gradë duke vendosur kështu një rekord vetjak.
Thënë kjo, Doriani është një prej personave që mund të shpjegojë përfitimet e zhytjes në ujë të akullt, të cilat i gjeni të renditura më poshtë.
-Zbret inflamacionet e trupit.
-I jep një ‘booster’ sistemit imunitar.
-Rrit metabolizmin.
-Përmirëson gjumin
-Rrit kapacitetin e trupit t’i përshtatet temperaturave të larta ose të ulëta.
-Zgjon dhjamin kaf dhe ky proceson dobëson.
Yogisti Klodian Murati shton se po kaq e rëndësishme është edhe nxehja pas këtij rituali. Organet duhet të kthehen në gjendjen fillestare pas daljes nga uji i ftohtë duke bërë ushtrime. Kjo eviton kalimin në gjendjen e të ftohtit dhe riaktivizimin e organizmit.
Klodian Murati: Është shumë e rëndësishme që pas kësaj praktike ta kthesh trupin në gjendje normale, ta nxehësh. Praktika e ujit të ftohtë është një shok dhe qelizat tona kanë memorie, është si një elektrizim kur futesh në ujë të ftohtë. Shpeshherë kanë nevojë qelizat tona për një memorie të tillë sepse ti shkon dhe qelizat kancerogjene vriten nëpërmjet kësaj praktike. Benefite të tjera që ka te femrat, të cilat janë më të fokusuara te kjo, është tonifikimi i lëkurës.
VAZHDO TË LEXOSH MË TEPËR PËR TEMËN
Shtatë përfitime nga dushi me ujë të ftohtë
