Një patologji e zakonshme tek pacientët tanë janë sëmundjet periodontale. Sëmundjet Periodontale (Mishrat e dhëmbëve) janë sëmundje “të zakonshme” që prekin pjesën më të madhe të njerëzve gjatë jetës së tyre. Kjo sëmundje shkaktohet nga reaksioni i trupit ndaj grumbullimit të baktereve në sipërfaqen e dhëmbëve.
Sipas doktoreshës së njohur Gerila Tafaj sëmundjet periodontale i ndajmë në dy: gingiviti dhe periodontiti.
Gingiviti: është inflamacion i mishrave të dhëmbëve i shkaktuar nga bakteret. Nëse e kapim këtë patologji në fazat fillestare, mund të jetë një situatë e rikuperueshme; Në raste të tjera, mund të çojë në atë që njihet si periodontit.
Periodontiti: Është një sëmundje e mishrave të dhëmbëve që sjell një infeksion serioz në mishrat e dhëmbëve, duke dëmtuar në mënyrë progresive indet që mbështesin dhëmbin dhe që mund të shkatërrojë kockën nëse nuk i bëjmë një diagnozë të hershme.
Cilat janë shkaqet e sëmundjeve periodontale?
Shkaqet kryesore të trajtimit janë:
Pllaka bakteriale, duke qenë shkaktari kryesor i inflamacionit të mishrave të dhëmbëve.
Gurëzat e dhëmbëve, i cili duhet të hiqen periodikisht me pastrim profesional.
Pirja e duhanit zvogëlon rezistencën e mishrave të dhëmbëve ndaj baktereve të dëmshme.
Një dietë e pashëndetshme çon në një rrezik të shtuar të periodontitit.
Stresi.
Shumë herë gjenetika ju bën të zhvilloni sëmundje periodontale.
Siç e dimë mirë, mishrat e dhëmbëve janë të fortë dhe me ngjyrë rozë të zbehtë. Kjo është arsyeja pse, nëse vëreni ndonjë nga simptomat e mëposhtme, këshillohet të vizitoni mjekun tuaj.
Mishrat e ënjtura ose të skuqur.
Ndjeshmëri ose gjakderdhje në mishrat e dhëmbëve.
Gjakosje kur lani dhëmbët ose gjatë përdorimit të fillit dentar.
Ere e keqe të gojës.
Dhimbje me përtypjen e disa ushqimeve.
Hapësira të reja midis dhëmbëve.
Është një patologji që mund të shkaktojë humbje të dhëmbëve, madje mund të prekë edhe pjesë të tjera të trupit, si: sëmundjet e frymëmarrjes, sëmundjet e arterieve koronare dhe mbi të gjitha personat që vuajnë nga diabeti.
Parandalimi i sëmundjeve periodontale
Trajtimet periodontale kërkojnë monitorim të përshtatur për çdo pacient për të shmangur rikthimin e simptomave të mësipërme. Vizitat periodoke të mirëmbajtjes së higjienës dhe bashkëpunimi me mjekun janë thelbësore për të kontrolluar ecurinë e trajtimit dhe për të eliminuar pllakën bakteriale.
Vizita tek dentisti dhe larja e dhëmbëve çdo ditë janë jetike për shëndetin oral dhe të përgjithshëm:
1. Lani dhëmbët pas çdo vakti.
2. Përdorni shpëlarës goje minimumi 2 here në jave.
3. Përdorni fillin dentar çdo ditë.
4. Ndërroni furçën të paktën çdo 3 muaj
5. Shmangni duhanin dhe konsumimin e moderuar të alkoolit
6. Kontroll të vazhdueshëm te dentisti të paktën 1 herë në vit
