Videot në YouTube mund të ndihmojnë në heqjen e ujit nga një pajisje e lagur Androi apo iPhone, sugjerojnë disa ekspertë të IT-së.
Vendosja e një telefoni të dëmtuar nga uji në oriz është një lajm i vjetër.
Ju mund të arrini të njëjtat rezultate duke luajtur video në YouTube, sugjeron David Pierce nga The Verge dhe iFixit.
Disa video në YouTube pretendojnë se heqin ujin nga telefoni juaj.
Një video e tillë e titulluar “Tingulli për të hequr ujin nga altoparlantët e telefonit (i garantuar)”, ka mbi 45 milionë shikime.
Komentuesit poshtë videos kanë krijuar një komunitet në seksionin e komenteve, duke treguar se si ata vazhdojnë të kthehen në video sa herë që telefoni i tyre laget.
Pierce donte ta shihte vetë, kështu që u bashkua me njerëzit në iFixit për të kryer një test.
Ata zgjodhën telefonat iPhone 13, Pixel 7 Pro, Pixel 3 dhe Nokia 7 për eksperimentin dhe i zhytën të gjithë nën ujë për rreth një minutë.
Më pas nxorën telefonat e tyre, luajtën një nga videot në YouTube dhe i lanë telefonat brenda natës.
Të nesërmen, ata gjetën Pixel 7 Pro pothuajse pa ujë, Nokia 7.1 u shkatërrua dhe iPhone 13 dhe Pixel 3 ishin diku në mes.
Duhet theksuar se “shpërthimi i zërit” fillimisht nxori pak ujë, por videoja arriti të largonte ujin vetëm nga zona e altoparlantit.
Kur u hap iPhone, boja ultra-vjollcë shfaqi njolla në pjesë të tjera, që do të thotë se uji nuk u kullua nga i gjithë telefoni.
Përfundimi: nëse telefoni juaj laget, luajtja e një prej këtyre videove të heqjes së ujit në YouTube mund të ndihmojë, por gjithsesi është më mirë të shmangni ta lagni telefonin tuaj.
VAZHDO TË LEXOSH MË TEPËR PËR TEMËN
