12.09.2024 - 14:06
Kujtim
Veç ajo ndijonte tingujt
e heshtjeve të mia. Me raste
druhesha se mos koha pengestare
ia mbathte teksa flisnim.
Paskëtaj humba kujtesën
dhe ja tek gjendem duke folur
rreth saj me ty, mes dredhash duhani
q’e fshehin ngashërimin tonë.
Ja se ç’qenka ndryshe te kjo
vetja ime: ndjenja, vetë e patrajtë,
në kët’ ditë që është veç përmallimi.
Nga përmbledhja “Diario postumo: 66 poesie e altro”
Përktheu: Edon Qesari
VAZHDO TË LEXOSH MË TEPËR PËR TEMËN
Tashmë edhe në shqip
Giorgio Bassani dhe fantazmat tragjike të së shkuarës
Letërsia botërore
