Rusia po intensifikon luftën e saj hibride në Evropë, duke zhvilluar operacione më të shpeshta me një vijë fronti që ndryshon vazhdimisht. Por pavarësisht shqetësimeve gjithnjë e më të zëshme të qeverive perëndimore mbi aktivitetin rus, ato kanë mjete të kufizuara të koordinuara për t’u mbrojtur kundër tij. Në fillim të këtij viti, nënkryetari i Komandës Detare Aleate të NATO-s tha se Rusia dhe aktorë të tjerë keqdashës po synonin kabllo dhe tubat nënujorë që lidhin energjinë dhe rrjetet e komunikimit të Evropës.Shtetet e Bashkuara dhe qeveritë evropiane tani i shohin incidentet në korrik si pjesë e një përpjekjeje të bashkërenduar nga Kremlini për të ndërprerë mbështetjen perëndimore për Ukrainën, për të minuar sigurinë rajonale dhe për të nxitur trazira në Evropë. Ndërsa lufta e Ukrainës është në dimrin e tretë, operacionet e sabotimit rus janë bërë më të shpeshta dhe, në disa raste, më pak të fshehta, ndërsa Kremlini vazhdon njëherazi me kërcënimet bërthamore.
Kërcënimet e Putinit
Presidenti Vladimir Putin tha se Rusia prodhon dhjetë herë më shumë raketa se të gjitha vendet e NATO-s së bashku dhe kërcënoi të sulmojë qendrat vendimmarrëse në Kiev duke përdorur raketën e re balistike me rreze të mesme veprimi Oreshnik (IRBM). Në samitin e Organizatës së Traktatit të Sigurisë Kolektive (CSTO) në Astana, Putin foli për aftësitë e raketës Oreshnik. Ai deklaroi se Rusia u detyrua të vendoste raketën e re “në përgjigje të veprimeve armiqësore” – duke aluduar në përdorimin e raketave të prodhuara nga SHBA dhe Britania e Madhe brenda territorit rus – dhe shtoi se “raketa nuk ka homologë në botë”. Sipas tij, ekuivalentët perëndimor nuk do të shfaqen së shpejti.Putin deklaroi se në rast të përdorimit masiv të raketave Oreshnik, forca e goditjes do të ishte e krahasueshme me armët bërthamore. Ai paralajmëroi gjithashtu se qendrat vendimmarrëse në Kiev mund të bëhen objektiv për këtë raketë, duke vënë në dukje se Ukraina ka kryer sulme të shumta në Moskë dhe Shën Petersburg, duke përfshirë sulmin më të madh me dron në Moskë në fillim të këtij muaji.
“Satan 2”
Rusia po punon për të vënë në gatishmëri operacionale sistemin e saj raketor Sarmat, i njohur gjithashtu si Satan II. Këtë e ka konfirmuar komandanti i forcave raketore strategjike ruse, gjenerallejtënant Sergej Karakajev. Por fizikani bërthamor Tonçi Tadiç shpjegon se sa dëme mund të shkaktojë vërtet Sarmat. “Në lëshimin e Sarmatit, ai do të shoqërohej nga satelitë. Në të njëjtën kohë, raketat do të lëshoheshin drejt Rusisë brenda pesë deri në dhjetë minuta. Është e vërtetë – objektivat në Perëndim mund të zhduken brenda 10-15 minutave nga nisja e Sarmat, por më pas objektivat në Rusi mund të zhduken brenda 15-20 minutash dhe kaq”, thotë Tadiç. I pyetur nëse ai si shkencëtar ka frikë nga lufta bërthamore, Tadiq përgjigjet me bindje të plotë: “Jo, nuk kam frikë nga lufta bërthamore sepse ky është tashmë kërcënimi i 43-të bërthamor rus dhe në secilën prej tyre thuhet se ky. është ‘vërtetë’ e vërtetë.”
Aktivizimi i “nenit 5”
Megjithatë, Evropa po e ndjen rrezikun dhe nuk po e nënvlerëson aspak. “Sabotimi rus i objektivave perëndimore mund të shtyjë përfundimisht NATO-n të konsiderojë thirrjen e klauzolës së mbrojtjes reciproke të nenit 5 të aleancës”, tha kreu i shërbimit të inteligjencës së jashtme të Gjermanisë (BND). Duke folur në një ngjarje nga grupi i ekspertëve DGAP në Berlin të mërkurën, drejtori i BND Bruno Kahl tha se ai priste që Moska të përshpejtonte më tej luftën e saj hibride.”Përdorimi i gjerë i masave hibride të ndjekura nga Rusia rrit rrezikun që NATO përfundimisht të konsiderojë thirrjen e klauzolës së mbrojtjes reciproke të Nenit 5,” vuri në dukje ai.Sipas nenit 5, nëse një anëtar i NATO-s sulmohet, anëtarët e tjerë të aleancës janë të detyruar ta ndihmojnë atë të përgjigjet.
VAZHDO TË LEXOSH MË TEPËR PËR TEMËN
“Përgatituni për luftë”, Finlanda ngre alarmin
A duhet të armatoset Shqipëria?
