Në një konferencë shtypi me presidentin francez Emmanuel Macron, Sekretari i Përgjithshëm tha se Rusia po vazhdonte “sulmin e saj kundër Ukrainës, ndërkohë që gjithnjë e më shumë është duke u afruar me aleatët e saj, Kinën, Iranin dhe Korenë e Veriut”.
“Pas dorëzimit të municioneve dhe raketave, Koreja e Veriut tani ka dërguar trupa për të luftuar dhe për të vdekur përkrah Rusisë në luftën e saj të paligjshme.
Në këmbim, Rusia i siguron Koresë së Veriut financim dhe teknologji raketore. Kjo është shumë shqetësuese.
Këto raketa paraqesin një kërcënim të drejtpërdrejtë për kontinentin e SHBA-së, Evropën, rajonin Indo-Paqësor dhe për Euro-Atlantikun më të gjerë.”
Rutte tha se ukrainasit plagosen dhe vriten çdo ditë nga dronët Shahed “të siguruar nga Irani”.
“Në të njëjtën kohë Kina mbështet ekonominë e Rusisë dhe mundëson industrinë e saj të mbrojtjes dhe përforcon narrativën e saj në skenën botërore,” shtoi ai.
“Rusia duke punuar së bashku me Korenë e Veriut, Iranin dhe Kinën jo vetëm që kërcënon Evropën, ajo kërcënon paqen dhe sigurinë, po, këtu në Evropë, por edhe në Indo-Paqësor dhe në Amerikën e Veriut”
Ai vazhdoi duke thënë se mbështetja për Ukrainën duhet të vazhdojë pasi “Ukraina përgatitet të përballet me atë që mund të jetë dimri i tyre më i ashpër që nga viti 2022”.
VAZHDO TË LEXOSH MË TEPËR PËR TEMËN
“Konflikti në Ukrainë ka potencial të zgjerohet në vende të tjera”
