Presidentja e Kosovës, Vjosa Osmani, ka përshëndetur fitoren e Donald Trump në zgjedhjet presidenciale të Shteteve të Bashkuara.
Përmes një postimi në rrjetin social “X,” Osmani ka uruar në emër të popullit të Kosovës Trumpin dhe zëvendësin e tij, James David Vance, për fitoren e tyre.
Osmani ka vlerësuar marrëdhëniet e ngushta dhe strategjike ndërmjet SHBA-së dhe Kosovës dhe ka theksuar se mezi pret të bashkëpunojë me administratën e re për thellimin e mëtejshëm të këtyre marrëdhënieve.
“Në emër të popullit të Republikës së Kosovës, shpreh urimet më të përzemërta për Donald Trump dhe James David Vance për zgjedhjen e tyre si President dhe Zëvendës President të Shteteve të Bashkuara.
SHBA-ja mbetet një partner i palëkundur dhe aleati i pazëvendësueshëm i Kosovës. Pres me padurim të punoj me administratën e re për të thelluar më tej lidhjen tonë të veçantë dhe aleancën strategjike.
“Zoti e bekoftë Amerikën, liderin e botës së lirë!” shkruan Osmani në “X”.
VAZHDO TË LEXOSH MË TEPËR PËR TEMËN
