Jean-Claude Juncker ka thënë se mund të organizohet një takimi i jashtëzakonshëm i liderëve të BE-së javën e ardhshme për të vendosur mbi shtyrjen e Brexit, për shkak të kaosit të vazhdueshëm në kabinetin e Theresa May.
Presidenti i Komisionit Evropian tha se një letër nga May, ku kërkonte shtyrje të nenit 50, duke vonuar daljen nga Bashkimi Europian, të caktuar më 29 marsit, nuk kishte arritur brenda natës siç pritej.
Juncker tha “Përshtypja ime është se këtë javë në Këshillin Evropian nuk do të ketë vendim, por ndoshta do të duhet të takohemi përsëri javën e ardhshme, sepse May nuk ka marrëveshje gati, as në kabinetin e saj apo në parlament . Për sa kohë që nuk e dimë se çfarë mund të thotë Britania e Madhe, nuk mund të marrim vendime, “tha ai.
Një zyrtar i lartë i BE-së tha: “Në këtë fazë ne nuk kemi marrë ndonjë letër drejtuar Presidentit Tusk, as ndonjë kërkesë nga Mbretëria e Bashkuar për zgjatjen e periudhës sipas nenit 50 në çfarëdo forme tjetër”.
Zyrtari shtoi se shpresohej që kryeministrja të vazhdonte të fliste me drejtuesit e BE të enjten pasdite dhe të “skiconte planet e saj dhe vlerësimin e situatës në Mbretërinë e Bashkuar”. “Unë mendoj këtu përsëri që ne duhet të tregojmë durim, të cilin ne kemi treguar vazhdimisht gjatë procesit të negociatave”.
Zyrtari refuzoi të komentojë nëse BE mund të ofrojë një vonesë “të shkurtër, super të shkurtër apo super të gjatë”. “Të spekullojmë se do të duhet të paktën një kërkesë nga Britania e Madhe në tryezë,” tha ai. “Ndërsa gjërat qëndrojnë, tani mund të them se udhëheqësit e BE27 do të kenë një diskutim rreth gjendjes së Brexit … Ky diskutim do të përfshijë edhe përgatitjet jo-marrëveshje”.
Juncker i tha stacionit radiofonik Deutschlandfunk të Gjermanisë se me siguri Britania nuk do të largohej më 29 mars” .
“Nëse kjo nuk ndodh, dhe nëse Britania e Madhe nuk do të largohet në fund të marsit, atëherë ne jemi, më vjen keq të them, në duart e Perëndisë,” tha Juncker.
Presidenti i Komisionit përsëriti se marrëveshja e tërheqjes nuk do të rihapet nën asnjë rrethanë.
Ai tha: “Nuk do të ketë rinegociata. Ne do të vazhdojmë të flasim me britanikët. Ne nuk jemi në një gjendje lufte me Britaninë, ne jemi në një gjendje negociatash, por negociatat kanë përfunduar. “
VAZHDO TË LEXOSH MË TEPËR PËR TEMËN
‘Brexit, plaga më e rëndë e vetëshkaktuar në histori’
