Marrëveshja midis drejtuesve të Mbretërisë së Bashkuar dhe BE-së për të vonuar Brexit deri në fund të tetorit është një kompromis.
Kryeministrja britanike Theresa May kishte kërkuar një zgjatje deri më 30 qershor. Disa liderë evropianë donin një vonesë shumë më të gjatë; Presidenti i Këshillit Europian, Donald Tusk, kishte sugjeruar që Mbretëria e Bashkuar mund të qëndronte në Bashkimin Evropian deri në një vit.
Por presidenti francez Emmanuel Macron këmbënguli për një afat më të shkurtër kohor.
Është hera e dytë që Brexit është vonuar. Në mars, krerët e BE ranë dakord për një zgjatje më të shkurtër që synonte zgjidhjen e çështjeve përpara zgjedhjeve të Parlamentit Europian në maj.
Zgjerimi është fleksibël: pra Britania e Madhe mund të largohet nga BE më parë se 31 tetori nëse marrëveshja e daljes është ratifikuar. Progresi duhet të rishikohet në një takim të Këshillit Europian në qershor.
Çështja e kësaj vonese të dytë solli debat të ashpër. Udhëheqësit si Angela Merkel e Gjermanisë dhe Leo Varadkar i Irlandës donin mbi të gjitha të shmangnin një dalje të parregullt dhe të kushtueshme.
Por presidenti francez Emmanuel Macron donte një vonesë shumë më të shkurtër, duke pasur frikë se debati toksik britanik mund të infektojë pjesën tjetër të BE.
Nëse parlamenti britanik nuk e miraton marrëveshjen e tërheqjes, atëherë Britania e Madhe do të jetë e detyruar të marrë pjesë në zgjedhjet e Parlamentit Europian në muajin e ardhshëm. Ato do të mbahen në 23-26 maj.
Rreziku mbetet që Britania e Madhe dhe BE të përballen po prapë me përfundimin e njëjtë në tetor. Afatet e mëparshme të 29 marsit dhe 12 prillit nuk arritën të detyrojnë parlamentin që të zgjidhnin çështjen.
A është data 31 tetor afati përfundimtar? Jo domosdoshmërisht, por kjo pa dyshim do të ishte zhgënjim për shumë njerëz.
Fakti që dita përkon me Halloween nuk ka kaluar pa u vënë re.
Gjërat mund të ndryshojnë sigurisht, nëse për shembull Mbretëria e Bashkuar miraton marrëveshjen e daljes. Ose në qoftë se figurat me ndikim në BE, duke nisur që nga Macron vendosin se kur duhet të marrë fund kjo situatë.
VAZHDO TË LEXOSH MË TEPËR PËR TEMËN
”Në fund BE do të pranojë shtyrjen për Brexit”
“Tronditet” Britania/ Brexit mund të anulohet?
“Brexit mund të shtyhet”
