Në fund të 6 majit, bordi zgjedhor i Turqisë zhvlerësoi rezultatet e zgjedhjeve të kryebashkiakut të marsit, ku Partia AK e Presidentit Rexhep Tajip Erdogan humbi kontrollin e Stambollit.
Si erdhëm këtu?
Erdogan po konsolidon pushtetin. Në vitin 2017, një referendum kushtetues i dha atij autoritetin për të emëruar ministra dhe gjyqtarë dhe të vendoste pjesën më të madhe të politikës ekonomike të vendit. Vitin e kaluar, një ditë pasi ai u betua për një mandat të dytë, ai emëroi dhëndërin e tij ministrin e financave.
Pse është kaq i rëndësishëm Stambolli?
Qyteti është metropoli më i madh i vendit dhe qendra tregtare e tij më e rëndësishme, aty ku Erdogan nisi karrierën politike. Presidenti u tha ligjvënësve në vitin 2016: “Nëse e humbim Stambollin, humbim Turqinë”.
Çfarë do të ndodhë tani?
Zgjedhjet e reja janë caktuar për në 23 qershor. Disa në partinë kryesore opozitare, CHP, bënë thirrje për një bojkot, duke thënë se partia e Erdoganit nuk mund të lejojë kryerjen e një votimi të lirë dhe të ndershëm.
Për gjashtë javë kaosi politik paraqet një kërcënim të madh për ekonominë e Turqisë, e cila ishte në recesionin e saj të parë në një dekadë pak para votimit të marsit. Lira arriti një nivel të ulët shtatëmujor, pasi bordi zgjedhor njoftoi vendimin. Banka qendrore ka gjasa të përballet me presione për të stabilizuar monedhën duke rritur normat e interesit.
Sa keq mund të shkojnë gjërat?
Shumë keq. Lira ka përjetuar shumë goditje gjatë vitit të kaluar dhe mund të përballet me edhe më shumë nëse Turqia pranon 2 miliard dollarë raketa ruse. Kjo mund të provokojë sanksione amerikane, krahas tarifave të çelikut të vendosura vitin e kaluar.
VAZHDO TË LEXOSH MË TEPËR PËR TEMËN
Erdogan, i dobët por i pamposhtur
Zgjedhjet lokale në Turqi, “referendum” për Erdoganin
Si Erdogan po ‘shfrytëzon’ një masakër për qëllimet e veta
