Prokurori i Durrësit Arjan Ndoja humb çështjen e parë në kadastrën e Durrësit. Pasi u akuzua se kishte nisur një çështje pa u mbështetur në fakte mbi drejtorin e Kadastrës së Durrësit Liridon Pula, Gjykata e Apelit i ka rrëzuar edhe pretendimet ndaj nëndrejtoreshës Lusiana Kola e cila tashmë duhet të rikthehet në detyrë.
Prokurori i Durrësit Arjan Ndoja (ne foto) ka humbur çështjen për situatën në kadastrën e qytetit bregdetar. Vetëm një javë pasi u akuzua se kishte nisur një padi të padrejtë ndaj ish drejtorit të hipotekës Liridon Pula, Gjykata e Apelit Durrës ka vendosur të rrëzojë dosjen në ngarkim të zv/drejtoreshës Lusiena Kola. Madje në vendimin e marrë këtë të enjte nga Apeli thuhet se ajo duhet të rikthehet në detyrë.
Gjykata ka pohuar se pretendimet e prokurorit Arjan Ndoja mbi çështjen në fjalë, janë të pabazuara në ligje e prova.
Kola akuzohet se kishte shpërdoruar detyrën në legalizimin dhe regjistrimin e disa pronave të paluajtshme, kryesisht në bregdet. Edhe në atë kohë mbrojtësit u shprehen se pretendimet ishin të padrejta.
Ndoja u akuzua dhe në kuvend prej kryeministrit Rama për nisjen e hetimeve pas një kallëzimi anonim dhe pa u mbështetur në prova.
Pavarësisht kësaj Gjykata vendosi të lërë në burg ish drejtorin e Hipotekës Liridon Pula.
Duket se ky është rasti i parë për situatën në Durrës, ku prokurorit Ndoja i hidhen poshtë pretendimet.
VAZHDO TË LEXOSH MË TEPËR PËR TEMËN
Dosja e Kadastrës në Durrës, KLP: Po ndjekim rastin
