Së fundmi, agjencia kanadezo-amerikane “Resonance”, ka publikuar listën me dhjetë qytetet më të gjelbërta në botë. Kryeqyteti austriak Vjena, ka zënë vendin e parë në listë. Qyteti i Mynihut në Gjermani, vjen menjëherë pas saj.
Organizata ka përzgjedhur në mbi njëqind qytete në botë, duke marrë në shqyrtim çështje të ndryshme.
Lista e qyteteve të gjelbërt është shpallur bazuar në shtrirjen e sipërfaqes së gjelbër në qytet, energjinë e rinovueshme, sasinë e ndotjes së ajrit, sistemin e transportit publik, rrugët miqësore për këmbësorët etj. Kryeqyteti austriak, zuri vendin e parë këtë vit. Në vendin e dytë është Mynihu, Gjermani dhe në të tretin është Berlini.
Transporti publik i Vjenës është i njohur si një pikë referimi për Evropën dhe rreth gjysma e popullsisë përdor biletat e transportit publik vjetor, sipas “Reconance”. Kryetari i Vjenës, Michael Ludwig, ndërkohë, tha se parqet dhe pyjet e gjelbërta të Vjenës, janë të hapura për të gjithë, duke ndihmuar në përmirësimin e cilësisë së jetës për vjenezët.
Ai shtoi, se parqet e hapura dhe pyjet e gjelbërta janë burime të rëndësishme për qytetin në këtë kohë të ndryshimit të klimës. Në vitet e fundit, kryeqyteti austriak kryeson listën e qyteteve më të rehatshëm për të banuar, në të gjithë botën.
VAZHDO TË LEXOSH MË TEPËR PËR TEMËN
Bukuria shqiptare me ekspozitë artistike në Vjenë
Dy motrat, dashnore të mbretit Zog/ Baroneshat Janko në hotel Regina
“Argumente fëmijësh këto…”
